मुख्यमंत्र्यांच्या विकासाच्या झंजावातापुढे सगळे सर्व्हे फेल ठरणार - युवासेना कल्याण लोकसभा सचिव विक्की भुल्लर

मुख्यमंत्री पुन्हा मा.ना.एकनाथजी शिंदे साहेब होवोत हिच आई जगदंबे चरणी प्रार्थना...!

 मा.ना.एकनाथजी शिंदे साहेब हे मुख्यमंत्री झाल्यापासून राज्यामध्ये विकासाचा अक्षरशः झंजावत सुरू असून या विकासकामांच्या झंजावातापुढे सर्व सर्व्हे फेल ठरतील असा विश्वास युवासेना कल्याण लोकसभा सचिव विक्की भुल्लर यांनी व्यक्त केला आहे. सार्वजनिक नवरात्रोत्सव आणि विधानसभा निवडणुकीचे बनत चाललेले वातावरण या पार्श्वभूमीवर प्रसिध्दी माध्यमांशी संवाद साधताना भुल्लर यांनी हा विश्वास व्यक्त केला.

लोकसभेनंतर आता विधानसभा निवडणुकीचे वातावरण बनू लागले आहे. सर्वच पक्षांमध्ये बरेच इच्छुक उमेदवार असून आमच्या पक्षातही काही जणांची इच्छा आहे. त्यात गैर काही नाही. तर गेल्या अनेक वर्षांपासून आपण गणेशोत्सव व नवरात्रोत्सवात व शहरातील विविध समस्या हे खासदार डॉ श्रीकांत एकनाथ शिंदे साहेब यांचा माध्यमातून आम्ही दूर करत असतो उल्हासनगर तसेच आम्ही नेहमीच विधानसभा मतदारसंघामध्ये फिरत असल्याचे विक्की भुल्लर यांनी सांगितले.

 

पुन्हा एकनाथ शिंदे हेच मुख्यमंत्री होऊ दे...

उल्हासनगर जनतेची समृद्धी - भरभराट होवो आणि त्यांचे आरोग्य चांगले राहो. यासोबतच राज्यामध्ये पुन्हा एकदा महायुतीचे सरकार येऊन मुख्यमंत्रीपदी पुन्हा एकदा महाराष्ट्रातील गोरगरीब जनतेच्या मनातील श्री.एकनाथ शिंदे साहेब हेच होवोत अशी आपण आई जगदंबे चरणी प्रार्थना करत असल्याचेही विक्की भुल्लर यांनी सांगितले. 

 इच्छुक आहेच मात्र पक्षादेश मान्य...!

गेल्या 35 वर्षांपासून माझे वडील भुल्लर महाराज व मी माझे कुटुंब शिवसेनेमध्ये एकनिष्ठेने काम करत आहोत.तसेच १४१ उल्हासनगर विधानसभा यावेळी युतीत शिवसेना पक्ष लढणार आणि आपण विधानसभा निवडणुकीसाठी इच्छुक आहोत हे जगजाहीर आहे. आपण पक्षालाही ते सांगितले असून त्यात काही गैर आहे असे मला वाटत नाही. मात्र उमेदवार कोण असावा याचा अंतिम निर्णय पक्ष घेत असतो. तो जो काही निर्णय घेतील त्याचा आपण  मान राखूनच काम करू अशी भावनाही विक्की भुल्लर यांनी यावेळी व्यक्त केली. 

 एकनाथ शिंदेंच्या झंजावातापुढे सगळे सर्व्हे फेल ठरणार...

राज्याचे मुख्यमंत्री एकनाथ शिंदे यांच्या विकासकामांच्या झंजावातापुढे सगळे सर्व्हे हे फेल ठरतील. गेले 20 ते 25 वर्षे पासून आपण शिंदे साहेबांसोबत काम करत आहोत. ते बोलतात कमी मात्र काम प्रचंड करतात. त्यामुळे येणाऱ्या विधानसभा निवडणुकीत शिवसेना - भाजप आणि राष्ट्रवादी महायुतीच पुन्हा सत्तेमध्ये बसणार असा ठाम विश्वासही विक्की भुल्लर यांनी यावेळी व्यक्त केला आहे...!